कैलाली जिसस प्रमुखमा काँग्रेसकी टिका निर्विरोध निर्वाचित

प्रमुखमा उम्मेदवारी दर्ता गराएकी नागरिक उन्मुक्ति पार्टीकी रुपमति डंगोरा थारुले  उम्मेदवारी फिर्ता लिएपछि टिकाकुमारी निर्विरोध निर्वाचित भएकी हुन् ।

आइतबार नेपाली काँग्रेसबाट कैलारी गाउँपालिकाकी वडा सदस्य टिकाकुमारी र नागरिक उन्मुक्ति पार्टीबाट टीकापुर नगरपालिकाकी वडा सदस्य रुपमतिले उम्मेदवारी दर्ता गराएकी थिइन् । 

बुधबार नागरिक उन्मुक्ति पार्टीका नेता लक्ष्मण किशोर चौधरी, टिकापुर नगर प्रमुख रामलाल डङ्गौरा थारु, नेपाली काँग्रेस कैलाली सभापति नारायणदत्त भट्ट लगायतका नेताहरूको उपस्थितिमा रुपमतिले प्रमुख पदमा दिएको उम्मेदवारी फिर्ता लिएको नेपाली काँग्रेसका जिल्ला सचिव केशव मिश्रले जानकारी दिए । उनले भने –‘रुपमतिको उम्मेदवारी फिर्तासँगै टिकाकुमारी जिसस प्रमुखमा निर्विरोध निर्वाचित भएकी छिन् ।’

काँग्रेसले दलित र आदिवासीको प्रतिनिधित्व हुने गरी जिसस प्रमुखमा टिकाकुमारीलाई अघि बढाएको उनको भनाइ छ ।